Aik Bay Naam Ko Aizaz e Nasab Mil Jae ,
Kaash Maddah e Payamber Ka Laqab Mil Jae ,
Aadmi Ko Wahan Kia Kuch Nahi Milta Hoga ,
Sang Raizon Ko Jahan Jumbish e Lab Mil Jae ,
Kis Zaban Se Main Teri Ek Jhalak Bhi Mangon ,
Talab e Husn To Hai Husn e Talab Mil Jae ,
Ab To Ghar Main Bhi Musafir Ki Tarha Rehta Hun ,
Kia Khabar Izn e Huzoori Mujhe Kab Mil Jae ,
Dena Qiston Main Muzaffar Ko Muhabbat Apni ,
Jis Qadar Ishq e Muqaddar Main Hai Sub Mil Jae ,
(Muzaffar Warsi)
Lyrics Submitted by Muhammad Aqdas
Lyrics provided by https://damnlyrics.com/