جتھے مدنی دا ڈیرہ اے
- نی جندھریے چل چلیے
ایتھے کوئی نہ تیرا اے
نی جندھریے چل چلیے
اساں جانا مدینے نوں
ملنا عربی نگینے نوں
ہویا شوق ودھیرا اے
نی جندھریے چل چلیے
سونا درد ونڈاوے گا
سانوں گل نال لاوے گا
پاویں سفر لمبیرا اے
نی جندھریے چل چلیے
بوٹا آس دا کھل جاوے
مینوں ڈھولن مل جاوے
اودھے بھاج اندھیرا اے
نی جندھریے چل چلیے
میرے واقف خیالاں دا
میرے محرم حالان دا
سونا دردی او میرا اے
نی جندھریے چل چلیے-
- جتھے مدنی دا ڈیرہ اے
نی جندھریے چل چلیے-
Lyrics Submitted by Muhammad Arshad Mehmood
Lyrics provided by https://damnlyrics.com/