Jinn o insaan o malak ko hai bharosa tera,
Sarwar marja e kul hai dar e wala tera
Wah ay itr e khuda saaz mahekna tera,
Khoobru malte hai kapdon pe pasina tera
Ye nahi hai ke faqat hai ye madina tera,
Tu hai mukhtar do aalam pe hai qabza tera
Kiske daaman pe chupe kiske khadam pe loote,
Tera sag jaaye kahan chordke tukda tera
Baadshah-haane-jahan behre gadaai aaye,
Dene par aaye agar maangne wala tera
Nek acche hai ke aamaal hai unke acche,
Ham badon ke liye kaafi hai bharosa tera
Khaar-e-sehra-e-nabi paun se kya kaam tujhe,
Aaa meri jaan mere dil me hai rasta tera
Kyu na ho naaz mujhe apne muqaddar pe ke hoon,
Sag tera banda tera maangne wala tera
Acche acche hai tere dar ki gadaai karte,
Unche unchon me bata karta hai sadqa tera
Kyu tamanna meri mayoos ho ay abre karam,
Sookhe dhaano ka madad gaar hai chita tera
Hashr ki pyaas se kya khauf gunah-gaaron ko,
Tishnakamo ka kharidar hai darya tera
Khaas bandon ke tasadduq me rihaai paaye,
Aaqir is kaam ka to hai ye nikamma tera
Ab hasan manqabat-e-khwaja e ajmer suna,
Tab'a pur josh hai rukta nahi qama tera
Lyrics Submitted by Syed Mehraj
Lyrics provided by https://damnlyrics.com/