kabhi to shaam dhale apne ghar gaye hote
kisi ki aankh mein rahkar sanvar gaye hote
gazal ne behate hue phool liye warna
gamon mein doob kar ham log mar gaye hote
aawara hawa ka jhonka hoon
aa nikla hoon pal do pal ke liye
daulat na koi tajmahal chhod jaayenge
ham apni yaadgaar gazal chhod jaayenge
tum jitni chaaho hamari haseen udaao
rootha hua magar kal chhod jaayenge
aa nikla hoon ...
pahachaan apani door talak chhod jaaunga
khaamoshiyon ki maut ganvaara nahi mujhe
sheesha hoon toot kar khanak bhi chhod jaaunga
aa nikla hoon ...
tum aaj to patthar barsa lo kal ro-oge mujh paagal ke liye
khushbu na sahi rangat na sahi
phir bhi hai vo ghar ka nazaraana
phool mazaar tak nahi pahuncha daaman-e-yaar tak nahi pahuncha
ho gaya vo kafan se to aazaad phir bhi gulzaar tak nahi pahuncha
phir bhi hai vo ...
jo teer bhi aata vo khaali nahi jaata
maayoos mere dar se savaali nahi jaata
are kaante hi kiya karate hain phoolon ki hifaazat
phoolon ko bachane koi maali nahi jaata
phir bhi hai vo ...
patjhad se chura kar laaya hoon do phool tere aanchal ke liye
maikvaar ko itna hosh kahaan
rishte ki hakeekat ko samjhe
zark se badh ke to itna nahi maanga jaata
pyaas lagti hai to dariya nahi maanga jaata
aur chaand jaisi bhi ho beti magar
oonche gharawalon se rishta nahi maanga jaata
rishte ki hakeekat ...
ek ek saans uske liye qatlagaah thi
uske gunaah the vo begunaah thi
vo ek miti hui si ibaarat bani rahi
chehara khuli kitaab ka kismat siyaah thi
shahanaaiyaan use bhi bulaati raheen magar
har mod par dahez ki qurbaanagaah thi
vo chaahati thi use saunp de magar
us aadami ki sirf badan pe nigaah thi
rishte ki hakeekat ...
beti ka sauda kar daala daaru ki ek botal ke liye
dil aur jigar to kuch bhi nahi
ik baar ishaara to kar de
aaj vo bhi ishq ke maare nazar aane lage
unaki bhi neend ud gayi
unako bhi taare nazar aane lage
---
Lyrics submitted by Rahul Soni.