Trots skryf met bloed aan die wêreldkronieke
want die slag om Utopia gaan voort
die maag word gevul met debat en replieke
en al pratende pleeg mense moord
verkeerd lyk so reg en die erns is laf
en die waarheid klink net soos die leuen
maar sou 'n kind vra waarop stuur dit tog af
wat antwoord die pa dan die seun
eendag word honger gestil
word profesieë vervul
sal die bloed eindelik stol
kom die saak op die rol
eendag eendag word die onreg gewreek
eendag eendag word die boeie verbreek
en eendag sal kom sê vir hom
en eendag sal kom
maar amptelik word manke en krinke besteel
en pro deo kry die wyse n sot
want wat sleg is is reg
en wat reg is moet weg
en vyf jaarliks stem elk vir sy god
want elkeen moet stem of sy rug voel die lem
vir 'n leeu of 'n buffel of vark
want almal vaar mee
oor 'n kleurlose see
in 'n nuwe verkromde ou ark
maar eendag word honger gestil
word profesieë vervul
sal die bloed eindelik stol
kom die saak op die rol
eendag eendag word die onreg gewreek
eendag eendag word die boeie verbreek
en eendag sal kom sê vir hom
en eendag sal kom
eendag eendag
eendag eendag
en eendag sal kom
Lyrics Submitted by Jannie Lombard