Das isch der Winter für'd Schwiiz
Jedä Summer goht verbii
An Schtaat wird nu g'liebt solang är funktioniert
Und drum gsesch deprimierti Gsichter wenn'd luegsch
Will die deprimiertä Gfühl wandlet sich in Wuet
Si isch än schöne Versuech öisi Demokratii
Aber wo füert si hii
Dä Mantel wo si trait haltet si bedeckt
S'hätt immer nume eine drunter Platz wo si verschteckt
Sie würkt nit so adrett doch alt isch si
Und si wünscht sich doch sälber dass si abglöst würd
Villicht vu Diär, villicht au niä
Villlicht isch äs aifach z'früe will dä Schwiizer sich begnüägt
Mit sinere Büez und äm Batze dafür und dä Schtruktur wo ihn füert
Är isch z'müed zum überleggä, z'fuul zum was änderä
Hauptsach nöd dra tänkä
Doch jetz isch Winter i där Schwiiz
Das isch der Winter für'd Schwyyz
Und dä Schturm dä chunnt glii
Äs isch ä Fraag vu där Ziit und är fahrt ii
Und äs nützt khai Versicherig und z'Wüsse miär sind riiich
Was isch äs Land mit'ärä Jugend ohni Ziil
Nur äs depressivs Kollektiv
Mit ä bitz Hoffnig dass öppert z'Ruäder umäriisst
Und ich meinä Politik, nai, Phobie äs bitz out
Doch was macht ds'Volk gnau
Wänns grad nöd a Plakat glaubt läbt jedä für siich
Und trauf uf dä Schtaat und spiilt mit
Äs isch khais Gheimnis dass d'Schönheit bequem macht
Aber d'Chöpf au mol läär macht
Dänk no a'd Brüeder will früener oder schpöter wird's gföörlich do drin
Und mini Schwiiz brucht Dini Schtimm
Villicht nümmä a där Urne eher uf där Schtross
Villichtch än Bürokrat häsch än Job uff dä Baan - khaa
Jetz schtosch do, Kappa
Schreisch Parole id' Nacht ohni Zruckhalt
Mä hätt Diin Rucksack klaut voller Freiheit
Früener häsch no mee gsait
Doch jetzt isch Winter i där Schwiiz
Das isch der Winter für'd Schwiiz
Und alles was no bliibt isch d'Eriinärig a d'Zyt
Wo'nä Schtuck wiit zruckliit und z'Bewusstsii wo sich iischliicht
Dass zum Riichsii immer öppert zahlt
I öisem Fall Bärge vu Liiche wo'd Bankä beriicheret
Während mier immene Laufrad wie Viicher dä ganz Shit aatribet
Doch aigentlich numm schtoo bliibet
D'Schwiiz hätt äs schiihailigs Antlitz
Und d'Neutralität isch iere ganz Bsitz und au dä wird verflüsse
D'Schwiiz fangt a lüge und hätt nüt bessers z'tuä als sich iizschlüsse (ahä)
Si chönnt än Insle sii, öppis wie'näs Exil
Än Wältschtaat mit moderenerä Ziit
Doch äs bliibt so wiä's isch und wiemä si kännt
D'Schwyz als äs Experimät
Doch jetzt isch Winter für siiUnd ich küssere Tschüss winkäre naa
Villicht gseemär öis widär ämol, widär ämol, widär ämolUnd ich küssere Tschüss winkäre naa
Villicht gseemär öis widär ämol, widär ämol, widär ämolUnd ich küssere Tschüss winkäre naa
Villicht gseemär öis widär ämol, widär ämol, widär ämol
Song Discussions is protected by U.S. Patent 9401941. Other patents pending.