Mjørki, eg síggi teg koma
mær ímóti –
kínandi mjúkt
holdi mínum.
Eitt sindur syrgin
tú syngur,
men smíl títt, tað váta,
er so blítt so blítt!
Hví glógva gyltir steinar
í eygum tínum?
Hví er hond tín køld?
Hví er hon grá?
Um hjarta títt er sovnað,
um blóð títt er stirðnað,
sveima tá við mær,
tú rekandi tám.
Tak um meg, tú svalandi.
Kom – saman skulu vit
fylla náttina – ta svørtu –
til hon aftur tónar
á spentum streingjum
og rodnar
tá ið hon tveitir hamin.
Lyrics Submitted by James Wrathall
Enjoy the lyrics !!!