Mugaruri By Joy Janet ft. Shiru wa GP
Hindi Imwe Isaiah ni Atumiirwo,Athie kwi Ezekiah Akamwire
Eharirie na Agae Nyumba yake,Ihinda Riake ria Gukua ni Rikinyu
Hezekiah Agikuhoya Mwathani ,Uririkane Kaudu Kamwe Aneka
Jehovah Ukiigua Kiriro Giake,Ukimwongerera Miaka Ingi Ikumi na Itano
We Mugaruri Rugano Ngarurira
We mucenjia wa Ritwa Njenjeria Riri
We Mugaruri Riboti Cia Andu A thii
Ngarurira Riboti Ino Hetwo Ni Andu
Andu A thii Nimamucenjeirie Ritwa, Mamwitaga Mutumia Uria Uraga
Miaka Ikumi Na Iri Ya Kigiriko, Kunyururio kwamukwo na Guthinika
No Riria Ahutirie Gichuri Giaku ,Ukimungarurira Muturire
Thina wake Wothe Ukiutwa Wiira ,Ndina Mwihoko Ona Wakwa Niukugarura
Batimayo Muru Uria Wa Timayo,Atuire Gitumumu Kuma Guchiarwo
Aikarite Mukiraini wa Mbara,Akaigua Muru wa Daudi Ukihituka
Akianirira na Kayu kanene ,Jesu Muru wa Daudi Njiguira Thaa
Ukiringwo Ni Thaa Ukimuhingura Maitho,Na Kuma Hau Rugano Rugicenjia
Iria-ini Riria Ria Bethsaida, Gwatuire Muthuri Wari Muruaru
Aruarite Miaka Mirongo Itatu na Inana, Na Ona Iria Riaunjugwo Ndangietobokirie
No Jesu Riria Wamuonire Akomie Hau, Ukimuuria Muthuri Ni ukwenda Kuhonio
Agikuira ii Na Ndire Wa Kundobokia, Ukimwira Oya Gibari na Witware
Hihi Ni Undu Uriku Ucio Ungekurema,Ni Thiina Uriku Munene Hari We
Niki Ingikuhoya Ukorwo Utari Nakio, Na Indo Ciothe Baba Niwe Muciumbi
Wathondekaga Njira Nyumu Iria-ini, Weru-ini Nakuo Ugatuthura Ithima
Waheanaga Irio Ikaura Ta Mbura, Ninjui Thiina Wakwa ti Kindu Hari we
Lyrics Submitted by Ruthanne njeri kamau