Nā uwē o nā manu
Aia la o ua manu, ʻIo e,
Ke Kāhulihuli nei, me ka haʻaheo,
I ka malie, o ka lewa lani e,
E hoʻolono, i kona uwē ana mai,
“Fuio, fuio,” leo a ka ʻIo e.
Auhe ʻoe, e ka manu lawaiʻa e,
Kahi ʻIwa kīkaha, i luna iho la,
A like me ka lupe, pā aheahe e,
Lohe mau ia, Kona uwē ana la,
“Iff, iff,” leo a ka ʻIwa e.
Eia no ka manu maka ʻaʻā e,
E Pueo holokē nui o ka pō laʻi,
Ka welu kapalili, kona punihei ia e,
Maliu mai hoʻi ʻoe, i kona uwē ana,
“Pi—o, pi—o,” leo a ka Pueo e.
E ka Nēnē manu makaʻu kanaka e,
O ke kuahiwi, ka home nohona ia,
Ka hua lau nāhele, kana ʻai paʻa e,
Auwē, he leo nui kona uwē ana,
“Unele, unele,” leo a ka Nēnē e.
Haʻina ia mai ana ka puana ea la e,
Nā leo honehone i ka nāhele mai,
“Fuio, fuio,” “Iff, iff,” “Pi—o, pi—o,”
“Unele, unele,” Nā kani o nā manu e.
Lyrics Submitted by Nani