Afsoos nabi zadiyoon ka Shaam may jana - Sajjad se poocho
Sar nangay woh maa behnoon ka darbar may jana - Sajjad se poocho
1. Chupti thi nabi zadi nabi zadi ke peechay - kis sharm-o-haya say
Aur Shimr ka un bibiyoon kay naam batana - Sajjad se poocho
2. Baithay huay darbar may sab chootay baray thay - sadaat kharay thay
Sar tasht may rakkha hua Zainab ko dikhana - Sajjad se poocho
3. Jab dukhtaray Shabbir nay zindaan may qaza ki - aafat ki ghari thi
woh nanhi si mayyat bandhay hathon se uthana - Sajjad se poocho
4. Jab ghusl Sakina ko wahan day chuki ghassal - tha sab ka boora haal
Us nanhi si mayyat par nishaan rassi ke paana - Sajjad se poocho
5. Thi aik rasan bara aseeron kay galay thay - sab chupke kharay thay
Rassi may bandhay Zainb-e-Kulsoom ka aana - Sajjad se poocho
6. Sar Hazrat-e-Muslim ka latakta tha jahan par - waan sheh ka ruka sar
Dur Abid-e-beemar ko us waqt lagana - Sajjad se poocho
7. Jab bali Sakina ko ghusl datay thay Sajjad - faryad hay faryad
Us nanhi si gardan pe nishaan rassi ke paana - Sajjad se poocho
8. Ghash kha ke giray Syed-e-Sajjad zameen par - barpa hua mehshar
Naizay ki ani se unhain us waqt uthana - Sajjad se poocho
9. Jab qaid-e-sitamgar se chutey Aal-e-payambar ek shor tha ghar-ghar
Aththara azeezon ki lahad aakey banana Sajjad se pucho
10. Akbar jo girey ghodey se kahney lagey Shabbeer, beta teri taqdeer
Ek zalim-e-be deen ka yun naiza lagana Sajjad se pucho
Lyrics Submitted by Nireman Zahra