Sarkar e madina se nisbat ho toh aisi ho
Khud pyare nabi kehdein ummat ho toh aisi ho
Hum bhejein mohammed par har Waqt darud o salam
Har banda-e-momin ki aadat ho toh aisi ho
Jaan apni bilal ne di chahat mei mohammad ki
Bus shafa-e-mehshar ki chahat ho toh aisi ho
Dandaan ki shahadat par sab daanth gira dale
Ye dastan jung e ohadh ki hai doston
Qissa hai ye rasul ke Dandaan ka suno
Zakhmi hue the jung mei sartaj ambiya
Ek daanth bhi shaheed hua ismei nabi ka
Hz awais ko lagi jis Waqt ye qabar
Do ghum ki leher daudh gai jism ke andar
Phir aapne kaha ke jo mai hota wahan per
Kar deta apni Jaan nabi pe mai nichavar
Afsos nabi se raha uswaqt mei booed
Dandaan mubarak nabi ka jab hua shaheed
Bardasht Iss ghum ko bhala mai kaise karunga
Pyare nabi se umr bhar sharminda rahunga
Unko nabi ke daanth ka behadh hua malaal
Dil mei awais qarni ke Phir aya ye khayal
Dandaan mubarak nabi ka jab nahin raha
Ek daanth apna todhduun ye haq karun ada
Ye sochte hi todliya ek daanth ko
Phir sochne lage ke kahin dusra na ho
Awais ne Phir dusre bhi daanth ko toda
Al Qissa apne muh mei koi daanth na choda
Ishq e nabi mei aapne ye karke dikhaya
Jitne bhi muh mei daanth the un sabko giraya
Dandaan ki shahadat par sab daanth gira dale
Sarkar e do alam se ulfat ho toh aisi ho
Lyrics Submitted by Sha shoaib ur rahman