Bahar Ayi Gulistan Main Lyrics

Bahar aai gulistan me Muhammad jab yahan aaye
magar joon hi muahammad gaye tou haalat e khizaan aaye
ye dunya rab ki naafarma nion se thi bhout sunsaan
khuda ki dushmani par hi utar aaye the sub insaan
karam khaaliq ne farmaaya Nabi aakhir zamaan bheja
ye ummat laadli thi is lye shaahe shahaan bhejaa
Nabuwat se qabal hi Mustafa kuch is tarah rehte
ke sub Kuffar Makkah aapko saadiq ameen kehte
kiya elaan jese hi muhammad ne nabuwwat ka
kiya kuffar makkah ne zahoor apni adawat ka
Siwaa e chand piyaron k jinhone aap ko maana
Khuda ke baad sub se ziyada afzal aap ko jana
jo eemaan laate jaate the Sahaba bunte jaata the
Muhummad ke fiddai be Muhaaaba bunte jaate the
Sahaba ko dilon jaan se jo Chaahat aap se hoti
Na biwi se na bachon se na hi maan baap se hoti
nabi ko dekhne me agar zara taakheer hojati
Nazar dilgeer hojati thi dil ki aankh rojaati

Sahaba ko gawaara dil se thaa sooli pe charh jaana
tasawwur me na aata tha nabi ko sui chubwana
paseena aap ka unke lye unbmer se barh kar tha
paseena to paseena bol bhi unka muattar tha
Sahaba aap ke deedar se har giz na thakte the
magar wo baa adab rehte the Hazrat ko na tukte the
ishaare par wo apni jaan tk qurbaaan kardete
lagaakar jaan ki baazi adaa farmaaan kardete
garaz inke lye zaat e Nabi shamme hidayat thi
ragon me khoon hubbe Mustafa hi ki sarayat thi
isi hi kefyat me raat din sarshaar rehte the
sub hi mast e sharaab ulfat e sarkaar rehte the
achanak aagayi pyaare nabi ki aakhri gariyan
zameen o aasmaan ki aankh se jaari hui lariyaan
khuda ne apne pyaare ko jo apne paas bulwaya
Sahaba ke dilon par aik dard angez haal aya
Sahaba sub tarap uthe lagi aik chot si dil par
ke parwaano ki bhuj gayi shamm e aur rukhsat hua dil bar
Madine ki fizaae hi badal gayi esa manzar tha
thaa aansoo aankh se bahar tou shola dil ke under tha
abu bakar o umar usman o haider subke sub gamgeen
Karam rukhsaar e faisal ke tapakte ashk the numkeen
umar talwaaar apni sont kar kehne lage nadan
jo bolega Muhammad chal base gardan uraadoga
Nabi ke dard furqat se hua usmaan par sakta
haqeeqat he koi aashiq judaai seh nhi skta
muslasal rorhe hazrat ali apne muhammad par
halaq me hogayi awaaz unki bund ro ro kar
chali baad e khizza esi k gulshan hogaya weeran
hua rukhsat gul e akhir k subko kargaya heraan
k jiski nighaten aansoon lagi aane koi bulbul
tarana gaa ke gulshan ko jo rukh deta zaki bilkul
nabi ka mirsia us ne sunakr dil ki aah saakit
yahi bulbul hai jiska naam he Hassan bin Sabit
Muhammad jab se gaye hen neend aati hi nhi hum ko
Ghum e furqat me koi cheez bhaati hi nhi hum ko
hamari jaan e jana ne hume chohra he uff Allah
Rukh e Suhbat dil e gumgeen se mora uff Allah
Sarapa ashk bun kar me Qabar me unki beh jata
gubaar e turbat e Ahmad ko me aankhon me sehjata
Mere Maan Baap hon Qurban Unki sub adaaon par
Na hota kaash paida yaa bikhar jata fizaaon pr
ye kesi aazmaaish he hamara ang ang tarpaa
Qayamat se qabl hum pr qayamat hogai barpaaa
me jis pe rorahaa hoon aah wo ik esi hasti he
k jiske dekhne ko aankh hum sabki tarasti hen
Tabiat kitni paakiza thi aadat kitni achi thi
adaaen kitni pyari aur baaten kitni sachi thi
Munawwar the sarapa Mustafa Noor e hidayat se
k Amma Aamna bhi khush Muhammad ki seaadat se
Tarapta he Machalta he ye dil be chen he behad
khuda jannat me bhi dedena humko suhbat e Ahmad
haamare baad waale aazmaaish ye na paaege
koi bhi imtihaan ho ab wo humko yaad ayege
hume izzat mili unki badaulat hi hidayat bhi
un hi ke faiz se har aan hi hoti thi nusrat bhi
ilaahi rehmat e kaamli hamare Mustafa par ho
ilaahi rehmat e kaamli hamare Mustafa par ho
hamari jaan bhi Qurban pyare Mustafa pr ho
Hame bhi de Khuda Taufeeq Unka kaam Karne ki
Ujagar dil men apna aur Unka Naam karne ki
Sawali hum khudaya aaj hain teri hidayat k
Osama aur anas mohtaaaj hyn teri hidayat K
Sawali hum khudaya aaj hain teri hidayat k
Osama aur anas mohtaaaj hyn teri hidayat K
Lyrics Submitted by Muhammad Talha