Breathless Lyrics

koi jo mila to mujhe aisa lagta tha jaise meri sari duniya mein
geeton ki ruth aur rangonki barkha hai khushbu ki andhi hai
mehki hui si ab sari fizaen hai behki hui si ab sari havaen hai
khoi hui si ab sari dishaen hai badli hui si ab sari adaen hai
jaagi umange hai, dhadak raha hai dil sason mein toofan hai
hoton pe nagmein hai, aankhon mein sapne hai beete hue sare woh lamhe hai
jab koi aya tha, nazron pe chaya tha dil mein samaya tha, kaise mein
bataun thumhe kaisa use paya tha pyar se chehre pe bikhri jo
julfe to aisa lagtha tha jaise kohre ke peeche ek os mein dhula hua
phool khila hai jaise badal mein ek chand chupa hai aur jhank raha hai
jaise raat ke parde mein ek savera hai roshan roshan ankhon mein sapno
ka sagar jisme prem sitaaron ki chaadar jaise jhalak rahi hai lahron lahron
baat kare to jaise moti barse jaise kahiin chandi ki payal goonje jaise
kahi sheeshe ke jaam gire aur chanse toote jaise koi chupke sitar bajae jaise
koi chandni raat mein gaaye jaise koi hole se paas bulae.
kaisi meeti batein thi woh kaisi mulakhatein thi woh jab maine jana tha
nazron se kaise pighalte hai dil aur aarzoo pati hai kaise manzil aur kaise utar
tha hai chand jameen par kaise kabhi lagta hai swarg agar hai to bas hai yahin par

usne bataya mujhe aur samjhaya mujhe hum jo mile hai hum jaise hi milna tha ghul jo
khile hai, unhe jaise hi khilna tha janmon ke bandhan, janmon ke rishthe hai
jab bhi hum janme to hum yahin milte hai kaanom me mere jaise shahad se
ghulne lage khwabon ki duniya bhi kitni hasin aur kaisi rangi thi khwabon ki
duniya jo kahne ko thi par kahin bhi nahi thi khwab jo tute mere ankhen jo
khuli meri hosh jo aya mujhe maine dekha maine jaana woh jo kabhi aya tha
nazron pe chayatha dil mein samaya ta jaa bhi chuka hai aur dil mera ab hai
tanhaa tanhaa naa to koi arman hai, naa koi tamanna hai aur naa koi sapna
hai ab jo mere din aur ab jo meri raat hai unmein sirf aansoo hai unme
sirf dard ki ranjh ki baatein hai aur faryad hai mera ab koi nahi, mai hoon aur khoe hue
pyaar ki yaadein hain.......mai hoon aur khoe hue
pyaar ki yaadein hain..............mai hoon aur khoe hue
pyaar ki yaadein hain..........
---
Lyrics submitted by SACHIN.