माझ्या देहाची पालखी
देवा येवो तुझ्या पायी
ओठावरी नित्य राहो
पांडुरंग रखुमाई .....
मन पवित्र मंदिर हो
टाळ चिपळ्या हे हात
भाव भोळी भक्ती माझी
चाले पंढरीची वाट
तुझ्या नाम मात्रे देवा , वेदनेचा अंत होई ।।
ओठावरी नित्य राहो.....
श्वास विश्वासाची तार
शरीराची एकतारी
अविचारी हा विचार
झाला तुझा वारकरी
विनाशी या विश्वातुनी , मला पैलतीरी नेई ।।
ओठावरी नित्य राहो.....
Lyrics Submitted by श्रीपाद गोखले
Enjoy the lyrics !!!