Todo da voltas - Dios Ke Te Crew

Dios ke te Crew é un colectivo, nado en Ordes(A Coruña), que engloba dentro de sí a artistas relacionados con tódalas vertentes da cultura hip hop.
Nos seus espectáculos en directo, o graffiti, o break, o beat box e o turntablism mistúranse no esceario guiados polo seu rap en lingua galega.

DKTC nace en Ordes(A Coruña), en xuño do 2003, a raíz da unión neste proxecto común de dous coñecidos grupos de rap de este pobo, 5talegos e Ghamberros. Pouco máis tarde uniríanselles os graffiteiros Vandals Crew e Cousas Novas, os breakers composteláns Playmovil Kids e tamén dous DJ´s: Murdock e Kaze Lu.

Deciden unir as súas forzas para dar vida a este colectivo, no que cada grupo desenvolve unha función tanto individualmente como dentro do propio colectivo. De este xeito, preténdese potenciar a creatividade e o desenrolo da cultura hip hop e das artes en xeral, dando oportunidades e saídas a tódolos grupos que forman Dios ke te Crew xunto cos proxectos que surxen en común.

Aínda que como colectivo DKTC ten unha vida relativamente curta, a traxectoria dalgúns dos seus integrantes polos mundos das artes é moi destacable.

5talegos, que posúen unha larga traxectoria de concertos por toda a xeografía galega, pisaron os escearios e festivais máis variopintos co seu rap en galego, fresco, combativo, crítico e divertido. Os seus textos van máis alá da mera competición do rap comtemporáneo, á que critican e da que discrepan abertamente.

Pioneiros en utilizar a lingua galega no rap, 5talegos son un dos grupos máis veteranos e recoñecidos en Galicia, e durante 5 anos estiveron difundindo a súa música cun potente directo .

Despois de incluires dous temas nos recopilatorios "Revolta Sonora"(Sons de Luita. 1999) e Mixtura(A.S.Lucerna. 2001), o grupo disólvese no ano 2002.

Non menos destacables son Jamaica, García e Mou, os membros do outro grupo de rap que conforma a crew, "Ghamberros", conxunto máis xoven pero xa recoñecido no panorama musical galego pola súa traxectoria nos 3 últimos anos, despois de tocar en eventos coma o "Festival Solidario en favor do Pobo Palestino" en A Coruña, no "Concerto Expansivo Nunca Máis" ou no Festival de Arte Multimedia e Música Avanzada "Elecktrónica". O seu rap en galego é comprometido, satírico e reflexivo, e a música de Mou, o tamén productor de 5talegos, xoga coas máis variadas influencias estilísticas, indo dende o jazz ata o reggae e dende a clásica ata o folk, facendo como non, unha intensa e obrigatoria parada no funk. Read more on Last.fm. User-contributed text is available under the Creative Commons By-SA License; additional terms may apply.