Nze ne leero navude eyo eBukunja gyemutya nga nzija ngwirana ne guitar nzize kutabaaza njiri
Nafuuka muntu mulamu baana ba'ssebo eyali omukooni we'ndigi zona dipo nazigala
Nga mukumpomera gwenyenyeza no'wulya ne'ngunywa na'bagutunda ndeka bakutte ku tama
Nga abo abatya waragi mbatibiriza entege nga anti tumuwuta no'kukira suupu we'nkoko
Gwabanga mukomyogo oluusi tukeera mu nkoko ffe doola tetwegonza nga anti tuli balenzi ba nusu
Nga ngusunda ne'kyalo nenkimatiza era okugwa mu ba seya nze gwo'laba mpitwa ssebo
Nga ndina ekiwanga ki lugabika bitya okutamiira ne bbiya obuccupa nga nsika assatu
Nga tumasamasa kukira bisiko bya nnyange ffe totuyita ba buyonjo bu mponeka ku mikolo
Netweyagala netulumya buli kyebayita kitonde ku nsi ya mukama ekiwulira nti kyatukyawa
Nga tuli ba maanyi okusinga ku sabbasabba nga era bwotwenganga ekikonde tukikiza ppege
Twali kabwa na'ngo na'bafuuwa sigala mutufumulira ffege tukwamula ekikuwujja
Hoooo
Atakulaba ya'kugaya
Twakyakaza obulamu
Twabonyabonya ebiwato
Twadigida omuziki
Twayayanya ebiwala
Banangeeeee
Gwali mwenge...
Temundaba ebiseera bino okukyayibwa enkumu ssebo nali muganzi wo'lulyo olulangira
Nga nkugambye ngenda nentaba eBukunja gye'mutya nembanga omuyaga ngobako bwegutabangula abo'lunyanja
Mu ddobozi lyange lino erye'mpolampola mukama lyeyangemulira nga oluusi mbeera ne guitar
Nendya mu ndago ebiwala nebigya birigita nga atalina bbina wakiri akunya omugongo mulabe
Ddobozi lyange bwelityo anti lya mpolampola mukama lyeyangemulira okuwataganjula enjiri
Banange omwenge ngunywede nengumatira naye teri kalungi kendabye mu kigambo mubisi
Siringa avumirira oba okujerega abanywa naye nkusaba otege okutu ssebo nkulojera mubisi
Omwenge mperekeze ya sitaani eya namadala oba muyite omubaka gwasooka okuweereza mu banywa
Ate omubaka oyo amwesiga kyo'tonalaba bwakuba siyasa ku kikumi wafika babiri
Ye sitaani nagenda okutaba mu banywi ekyenda mwo'munana nga bonna bamufuyiira mirere
Naalamula nga mpawo amukuba kumukono okujjako ye okwekya neyekwatira mu lwe'ngabi
Vva ne ku tamiiro luri luguudo lwenyini sitaani mwajja atuyita ffena okugwa eddalu
Ekintu ekikuyisa wo'sula ate no'jja opaala ogende okonkone gyo'tomanyi gubeera mugomyo
Gukukwata newezira kigambo mukazi kukusala mu maaso buba bukya ate no'byejjusa
Gulina no'tuzi tweweyuwako okunabuka ensonyi gwo tegulina gwegutiisa maaso muzira namige
Omwenge
Eyaguyiiya asobola
Tugunywa gusanyusa obulamu
Naayeeee tegututawanyiza neyano wuwo
Mubutuufu omwenge ngunywede nengumatira naye siganyudwamu ndabye ntamiridde bbule
Gwo teguliko ssente ebeera egumala kuba oguwera ku mutwe gwegulamuza ogukyali mu malebe
Bweziralira ensawo afazaali ogabula engabule loodi omanyise dduniya bwooli omulenzi we'nusu
Ate nze gwantama kwooya baganzi ku bbali era guwomera jjolo nga waliwo gwayita mummy
Mu kade ako akumiira eka afuuka kikazi nga anti wo edakiika zo ku mubisa gwe kigwo mubule
Oh nakyo nekyanukula kivevenga daddy ensimbi no'fukumula olabye ekigambo mubisi
Katino bagutusaba ebiri ogumugulira okugunywa oluvanyuma nga ezo kugumuvula ono'zimuwa
Mwatu gumanyi no'kuziba omwoyo gwe'mmere gwe loodi nogoya ndigi gwe gwo gusikambula body
Beebo bosanga nga afanana nga ogwaluma nzere nembubugu mubusikutu bwe'mpale
Teguliko bulamu bwa nsobi nebwewekona kagere olusinzituka nebwoba mulamu bakulangira mubisi
Nti anti etamiiro ahaaaa
Omwenge
Akyagunywa neyagukyawa
Na'subira oguyiga wesibe ssatu...
Mubutuufu mekese ammaazi wansi we'njuba naye ntamiridde bbule teri kenagya mu mubisi
Abayivu bagukeera no'gya ogamba nti degree zabagwako baziwenja mu buccupa
Ate tebakulimbanga nti gwe afuga kigambo mubisi biba biwanga nga ebimu byo basala layirwe
Nosanga oli nga eyo enyindo ogifumba endeku ogenda oginyulula nga enyonyi zimukungula empeke
Omulala nga obugilaasi ye awuuba buwuube omulabi neyewunya nti ye oba alina wabusibira
Kyebayita nga over kwe kukya nga gukugoya eyabadde nga omuntu nga wereeze nga olukoba lwa guitar
Awo tewaba mulimo oba nga mulwaire wa nseke akameeme nekamala kakukuba anti no'butunda onywa ne'ddebe
Kirina lwa mpaka gwe agunywa neyagukyawa nti kyo kigambo mubisi abanywa tutamirira bbule
Gututuusa ku bingi nkumu gubafuula mu mpisa abadde omuntu no'jja otaama okwenkana enjukki
So bweguba gwa kigero gulina kyeguyamba kuba mmanyi emirimu bwatekamu akwaasa bukwako
Naye kiwomereze bwatyo
Ngamba kasita asuka
Osengejja nga enku
Gutufuula ebyeyolera
Omubisi...
Lyrics Submitted by Henry Lukooto