Lea 'a e Fuiva Lyrics

LEA ‘A E FUIVA
‘Alamuhu e toa he Fanga Fetau
Fakanunu ‘a e matangi tokelau
Ki ha fine teiti he hala uafu
Mata mahina si’ene kakau
Tautaukapa ai e fisi’i peau
Hange ha sisi kuo fakavainiaku
Ka uouo leva ‘a e Hala ko Vuna
‘O kainakehea mo e Hala Taufa
Toki hu’I ai hoto fakamanulua
Ke kahoa ha taha folau mei tu’a
Kae mole ai ‘ene faka’uto’uta
‘I he tui fio ‘a e fahina mo e lei pua
Tamaiki, laka ta’ota’ofi pe
Kae tuku ke u toil e moto e siale

Ke fungani’aki ‘a e sisi maile
Ko hoku teunga ki he fakatete
Ke hau’ataea mo tali tue
‘O mamata kae hopo e pele
Tau:
‘Oiaue, ko e ngalu e fasi
Ta’ahine, tali ke matali
Hopo e fa talapeangali
Me’a kuo maseni ai
Lyrics Submitted by Siosifa 'A. Malolo