My Sweet Auburn Maid (Nighean Donn Mo Ribhinn Og) - The Lochies

My Sweet Auburn Maid (Nighean Donn Mo Ribhinn Og) Lyrics

Nighean donn mo ribhinn òg,
Nighean donn a' chuailein rìomhaich;
'S iomadh oidhch' is là le chéil'
Bha sinn suaint' an caidreamh gaolach,
Nighean donn mo ribhinn òg.
'S ann mu thuath an tìr nam beann
Fhuair thu t'àrach is do thogail --
Ainnir dhonn nan ciabhan aill',
Aoidheil, càirdeil, ciallach, banail,
Nighean donn mo ribhinn òg.
Nuair a ghleusadh tu do ghuth,
'Seinn gu h-aotrom, mùirneach, fallain,
Dh'èisdeadh coisir bhinn do bheòil
"Chuireadh tu na h-eòin an crannaibh."
Nighean donn mo ribhinn òg.

Cha robh flùran anns a' choill
Bheireadh bàrr ort ann am maise;
Gruaidhean dearg mar dhreach an ròis,
'S muineal caoin ni 's gil' na canach,
Nighean donn mo ribhinn òg.
'S mithich dhuinn a nis 'bhi triall;
Is sgàil na h-oidhche mar bhrat 'gar còmhdach:
Soraidh slàn leat gus an till,
Ri fad do ré gu meall thu sòlas.
Nighean donn mo ribhinn òg.
Nighean donn mo ribhinn òg,
Nighean donn a' chuailein rìomhaich;
'S iomadh oidhch' is là le chéil'
Bha sinn suaint' an caidreamh gaolach,
Nighean donn mo ribhinn òg.
Lyrics Submitted by Callum Bundy